ÒTÚÁ MÉJÌ – Apá Kejì – Èdè Yorùbá Rẹwà

Apá kejì OTUA MÉJÌ

Ó di wí pé
Bí ẹnìkán bá ń sọ ọmọ lórúkọ
Àwọn ọmọ mẹ́tẹ̀ẹ̀ta yìí ó lọ síbẹ̀.
Bí òkú kú fún ẹnìkan,
Wọn á ránńṣẹ́ pè wọ́n.
Bẹ́ẹ̀ ni àwọn ọmọ náàá ṣe
Tí wọn fi ń dárà gbogbo.
Ìgbà tí wọ́n dàgbà tán,
Tí àwọn náàá bímọ,
Bẹ́ẹ̀ náà ni àwọn ọmọ wọ́n ń ṣe.
Ijó ni wọ́n ń jó,
Ayọ̀ ni wọ́n ń yọ̀;
Wọ́n ní bẹ́ẹ̀ gẹ́gẹ́
Ni awo àwọn ń ṣẹnu rereé pefá.
Wútùwútù yáákí;
Wútùwútù yám̀bèlé,
Ká súré pátápirá,
Ká fẹ̀wù àlàárì fọnkun àmọ́di,
Lékèélékèé, ẹyẹ ìmọ̀le,
Bó bá ṣí lórí ọ̀pọ̀tọ̀,
A bà sórí òrom̀bó,
A máa fi gbogbo ara kéwú eléwú kiri;
A díá fún ọ̀rúnmìlà,
Ifa ń sunkún òun ò rọ́mọ bí.
Wọ́n ní ó káakí Mọlẹ̀
Ó jàre,
Ẹbọ ní ó ṣe.
Ó gbọ́ rírú ẹbọ,
Ó rú
Ó gbọ́ èrù àtùkèṣù,
Ó rú
Ó gbọ́ ìkarara,
Ẹbọ́ ha fún un.
Ire mẹ́ta làwá ń wá:
Àwá ń wówó o,
Àwá ń wọ́mọ;
Àwá ń wá àtubọ̀tán ayé

1.Wútùwútù yáákí;Wútùwútù yám̀bèlé; This is to mimic The Muslims as their Arabic recitations sound to the hearing of those that do not know about them.
2. Lékèélékèé, ẹyẹ ìmọ̀le: The Muslims like white garment like that of a type of bird called Lékèélékèé
3. Gánḿbí: Muslim Name
4. Kálítù: Muslim Name
5. Dáúdù: Muslim Name
6. Wọ́n na igi mẹ́rin sílẹ̀ níbùúníbùú: That is how Muslims prepare their mosque at initial stage